Энх сүү НАФ ХХК

Төслийн нэр: Энх сүү түншлэл

Тэргүүлэгч байгууллагын танилцуулга: Энх сүү НАФ ХХК нь 2018 онд байгуулагдсан сүү бэлтгэн нийлүүлэх бүрэн автомажсан 40 үнээний фермийн үйл ажиллагаа эрхэлдэг.

Түншлэгч байгууллага нэр: Багануур тренд ХХК, Дэлгэр-Ажнай ХХК, Куалкон ХХК, Баталгаат хүнс ХХК.

Түншлэлийн чиглэл: Сүү, сүүн бүтээгдэхүүн, мах, дайвар бүтээгдэхүүн нийлүүлэлт

Төслийн зорилго: Тухайн бүс нутгийн сүүний хэрэгцээг хангах, малын сүргийн бүтцийг үржил селекц, зохиомол хээлтүүлгийн аргаар сайжруулж мах, сүүний чанар, гарцыг нэмэгдүүлэх, малчдаас нийлүүлэх сүү, сүүн бүтээгдэхүүний чанар, стандартыг хангаж, түгээлтийн зардлыг бууруулан, зах зээлд харьцангуй хямд үнээр нийлүүлэх экосистем, дэд бүтцийг бүрдүүлнэ.

Хэрэгжүүлэх үйл ажиллагаа:

• “Энх сүү” НАФ фермийн хүчин чадлыг 2024 онд 520 тн болгож нэмэгдүүлнэ
• Төсөл хэрэгжүүлэх зэргэлдээ таван сумын 200  хүртэлх  толгой  малтай 500 малчин өрхийн сүргийн бүтцийг сайжруулж,  сүүний нийлүүлэлтийн хэмжээг жилд 0.7 сая литрт хүргэнэ
• Мал эмнэлгийн үйлчилгээний давтамж, үзүүлэх үйлчилгээний нэр төрөл, хүртээмжийг нэмэгдүүлнэ
• Малын гарал үүсэл, удмын сангийн мэдээлэл оруулах, борлуулалт, зардлаа хянах боломж бүхий аппликэйшн бүтээнэ
• Түншлэлийн хүрээнд тухайн бүс нутгийн сүүний хэрэгцээний 50 хувийг буюу 1.1сая литр сүү ханган нийлүүлнэ

Дэвшүүлж буй шийдэл:

• Түншлэгч хоршоод болон малчин өрхүүдийг сургалтад хамруулах, практик дадлага туршлага олгох
• Орон нутгийн брэнд бүтээгдэхүүн гаргах, зах зээлд нэвтрүүлэх гэх мэт сургалтыг хийх
• Мал эмнэлгийн үзлэг оношилгоог тогтмолжуулах
• Мал арчилгааны дэвшилтэт тоног төхөөрөмж ашиглалтыг нэмэгдүүлэх

Ашиг хүртэгчид: Төсөлд хамрагдаж буй зэргэлдээ таван сумын 200 хүртэлх толгой малтай 500 малчин өрх сүү, сүүн бүтээгдэхүүний борлуулалтаас ашиг шим хүртэнэ. Энхсүү  НАФ ХХК болон Багануур Бренд ХХК. Орон нутагт ажлын байр нэмэгдэж, өрхийн орлого дээшилнэ.

Төсөл хэрэгжих байршил: Төв аймаг, Баяндэлгэр сум